Færsluflokkur: Heilbrigðismál

stofnanasamningur er röðun í launaflokka......

Hjúkrunarfræðingum á LSH er raðað í launaflokka 1 til 8 en alls eru launaflokkarnir 18.

Hjúkrunarfræðingur sem er með háskólapróf, 2ja ára framhaldsnám í Háskóla og 30 ára starfsreynslu er boðið 378.000 kr. á mánuði fyrir 100% vinnu á LSH. 

Eru það raunhæf laun?


mbl.is Enginn fundur í kjaradeilu hjúkrunarfræðinga
Tilkynna um óviðeigandi tengingu við frétt

Hvernig er hægt að spara meira þegar aukning hefur orðið á þjónustunni?

ég bara spyr!

Mér finnst komið að því að spyrja þá sem ráða s.s. ríkisvaldið - hvað vilja þeir fá fyrir peninginn sem þeir setja í Landspítalann. Aukning á þjónustu fyrir minni pening - hvernig getur það staðist?

Hvaða þjónustu á að veita á LSH? Hverjum á að sinna? Á að setja aldurstakmörk á sjúklinga? (samanber lokun líknardeildar fyrir aldraða). Það þarf hreinlega að fá á hreint hvað ríkisstjórnin vill í þessu máli.

Sparnaðurinn er að ganga út í öfgar að mínu mati. 

Eina ferðina enn á starfsfólkið að vera hrætt um stöðu sína - hverjum verður sagt upp??

"Eins gott að haga sér vel svo manni verði ekki fyrst sagt upp"

Er hægt að láta starfsfólkið hlaupa enn hraðar? Er hægt að fækka starfsfólki þrátt fyrir aukna þjónustu?

Nei, ekki á minni deild. Það er ekki endalaust hægt að níðast á starfsfólkinu! Er ekki starfsfólkið mannauður og heilt batterí innan LSH sem sinnir því. 

Getur ríkisvaldið sparað annars staðar? Já - t.d. sameinað sendiráð - hvað þarf mörg sendiráð á Norðurlöndum á tölvuöld? Mætti ekki fara að loka og sameina þar?

Allavega vona ég að LSH geti starfað sem alvöru sjúkrahús.


mbl.is Stöðum á LSH fækkar um 85
Tilkynna um óviðeigandi tengingu við frétt

KONUR sýnum samtakamátt okkar......

..... og förum á

http://is.isci.is

og skrifum undir. 

hægt er að lesa um verkefnið hér http://is.isci.is/Lesa/92

Auður Guðjónsdóttir á það skilið af okkur konum að við leggjum henni lið á síðustu metrunum - það gæti orðið til þess að tillaga til Norðurlandaráðs verði tekin fyrir og samþykkt.

Í stórum dráttum er efni tillögunnar að Norðurlandaráð setji á stofn starfshóp lækna og vísindamanna sem hafi það hlutverk að skoða norrænar og aðrar rannsóknir og meðferðir á mænuskaða og gera tillögur um úrbætur. 

Konur - sýnum samtakamáttinn og skrifum undir.

Eigið góða viku.


Kundalini jóga

Ég vann tvo tíma í kundalini jóga hjá Ljósheimum. Er að hugsa um að skella mér og prófa..... þetta ku gera manni gott Smile

Á heimasíðu Ljósheima www.ljosheimar.is er eftirfarandi fróðleikur um Kundalini jóga:

"Kundalini jóga er stundum kallað jóga vitundar.  Það er kraftmikið og skjótvirkt og kemur jafnvægi á innkirtlastarfsemi þína, styrkir taugakerfið og gerir þér kleift að virkja orku huga og tilfinninga. Kundalini jóga styrkir einnig hjarta og æðakerfið og hefur góð áhrif á meltinguna."

"Kundalini jóga vísindin tvinna saman andardrátt, handstöður, augnfókus, möntrur, líkamslása og líkamsstöður á mjög ákveðinn og meðvitaðan hátt en það kemur á jafnvægi milli líkama, huga og sálar."

"Kundalini jóga er fyrir venjulegt fólk sem þarf að takast á við verkefni dagsins, vinnu, fjölskyldu og áreiti nútímans.  Allir geta iðkað Kundalini og krefst þess ekki að fólk breyti neinu í sínu daglega lífi."

"Kundalini orkan býr í hverju okkar en liggur í dvala við neðsta hryggjarliðinn hjá flestum.  Þessa orku er unnið með í kundalini jógatíma og hún látin rísa upp hryggjarsúluna.  Þegar það gerist gefur það okkur dýpri tengingu við okkur sjálf auk þess sem það eykur áhrif alls sem við gerum í tímanum."

Eigið góða helgar-rest Kissing

 


táknmál fyrir heyrnarlausa.........

Ég þykist geta "sagt" hvað ég heiti á táknmáli. En í kvöld þegar ég ætlaði að segja hvað ég heiti þá mundi ég ekki hvort var S og hvort var G og vildi ekki taka sénisnn á því að  heita Gisrún. Næst þegar heyrnarlausi sölumaðurinn kemur þá kannski man ég þetta. Þessi maður kemur reglulega til mín og selur mér eitthvað - núna almanak Þroskahjálpar, en ég kaupi einhvern veginn allt sem hann er að selja.

Mér finnst heyrnarleysi svo skelfilegt - ég man bara hvernig það var áður en ég fékk heyrnartækið - já ég þarf bara eitt tæki því ég er með þokkaleg heyrn á hinu eyranu - ennþá. 

Félagslega þá er maður "out" !! Ég man hvernig ég sat með fólki - brosti og þóttist heyra hvað talað var um - og missti af öllu. Ekkert mál ef maður var með einni manneskju, en það mátti ekki vera mikið af hljóðum í kring............... eintómt vesen, best að vera bara heima. Svo þótti ég merkileg með mig - svaraði ekki einu sinni þegar yrt var á mig.......... s.s. ég heyrði það ekki - en það sést ekki utaná manni að maður heyrir ekki. 

En heyrnartækið er algjör bjargvættur. Ég ætla ekki að fara út í verð, tryggingarstofnun og 25,5% virðisaukaskatt á heyrnartækjum - heldur ekki "nýmóðins" tæki sem alheyrandi eru að "þróa". Verð frekar fúl í skapi við svoleiðis hugleiðingar. Samt ætla ég einn daginn að skrifa bréf til ráðherra fjármála og fá rökstuðning fyrir þessum virðisaukaskatti á heyrnartækjum.  

 

Helgarkveðjur og knús til allra - og njótið þess að heyra  - ég geri það allavega.

Ef þið viljið kunna nafnið ykkar þá er það hérna


ljós í myrkrinu.........

............ eða hvað?? Nú ætla ég að kaupa B-vítamín fyrst það gæti "mögulega" komið í veg fyrir að maður versni W00t. Svo get ég farið að drekka meiri bjór - er hann ekki svo B-vítamínríkur?? Wink  og saðsamur, þannig að ég grennist líka Smile 

Ég er í góðum málum trallalla la Whistling 

Nei Alzheimer er ekkert grín - þetta er skelfilegur sjúkdómur og vona ég að hann banki ekki uppá í mínum húsum.


mbl.is B-vítamín draga úr heilahrörnun
Tilkynna um óviðeigandi tengingu við frétt

Að láta eitthvað ráða yfir sér...

venjuleg kona

Það er einn hlutur á heimilinu sem ræður því hvernig mér líður ......... eða réttara sagt ég læt þennan hlut ráða því.

Í morgun steig ég á þennan örlaga-hlut og "BING" dagurinn er ónýtur. 

Mér finnst samt svolítið hallærislegt að láta þetta hafa svona áhrif á sig - en tvö og hálft kíló í yfirvigt er of mikið finnst mér og mér líður eins og heimurinn sé að farast. Lít sem snöggvast í spegilinn og sé hvað hárið er eitthvað ömurlegt, svo fínlegt og asnalegt, húðin framan í mér er sko alveg..............hvaða pokar eru þetta???

Ég er náttúrulega ekki í lagi !!

Mitt í þessum hugarórum þá reyni ég að hugsa eitthvað jákvætt - ég er jú bara venjuleg kona.

Ég á fínan kall sem er búin að vera með mér í yfir þrjá áratugi, börnin mín eru bæði í góðum málum og ég er svo stolt af þeim. Ég er í vinnu, á hús og bíl (bíla) og allt af öllu. Svo kann ég ýmislegt fyrir mér og hef skemmtileg áhugamál, sem ég get sinnt þrátt fyrir vigtina Wink

Auðvitað á maður að vera ánægður með sig eins og maður er - en þessi auka kíló þurfa samt að fara og ég kann sko alveg aðferðina; borða minna-hreyfa sig meira.

Maður er bara það sem maður hugsar  

think thin (don´t feel fat).

 


Sund bætir, kætir, léttir og alles.....

 

Samkvæmt þessari  grein hérna er sund gott fyrir þunglynda. Ég er sem betur fer ekki þunglynd en það má alltaf bæta í manni lundina - ekki satt?

Ég er alltaf á leiðinni að vera dugleg að fara í sund - en einhvernvegin "drulla" ég mér ekki af stað. Er samt með þessa fínu Álftaneslaug hérna rétt hjá, sem er bara flott og góð sundlaug. 

Þeir sem fara reglulega í sund eru alltaf útiteknir, líta vel út og svei mér þá ef þeir eru bara ekki glaðari en aðrir.

 

 

 

 

 


atvinnulausir og ellilífeyrisþegar borga það sama - en þeir sem fá minni laun en atvinnulausir - vinna á lágmarkslaunum ??

Þetta er algjört óréttlæti !! Ég er að tala um lágmarkslaun sem sumir þurfa að þiggja, en væru betur settir á atvinnuleysisbótum.

Ég er ekki á móti atvinnuleysisbótum - langt frá því, en það er eitthvað að þegar maður "hefur það betra" á bótum en að vinna.

Lyfjakostnaður er eitthvað sem ég legg ekki í að ræða, man bara fyrir nokkrum árum þegar TR (Tryggingastofnun Ríkisins) borgaði blóðþrýstingslyfin, þá kostuðu þau mörgum sinnum það sem þau kosta núna. S.s ef TR tekur þátt í kostnaði þá kosta lyfin meira en annars - þetta er staðreynd.


mbl.is Sparnaður vegna lyfja um 1,6 milljarðar
Tilkynna um óviðeigandi tengingu við frétt

STEINGEITIN stjörnuspá dagsins..............

.................... Þú ert upp á þitt besta og getur nánast samið um hvað sem er því þú færð fólk svo auðveldlega á þitt band. Taktu þér tíma til þess að sinna sjálfum þér og byggja þig upp.

Seinni setningin á mjög vel við - þarf einmitt að gefa mér tíma í að sinna sjálfum mér.

Þetta kemur frá Mogganum - og ekki lýgur Mogginn Heart


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband