Að láta eitthvað ráða yfir sér...

Það er einn hlutur á heimilinu sem ræður því hvernig mér líður ......... eða réttara sagt ég læt þennan hlut ráða því.

Í morgun steig ég á þennan örlaga-hlut og "BING" dagurinn er ónýtur. 

Mér finnst samt svolítið hallærislegt að láta þetta hafa svona áhrif á sig - en tvö og hálft kíló í yfirvigt er of mikið finnst mér og mér líður eins og heimurinn sé að farast. Lít sem snöggvast í spegilinn og sé hvað hárið er eitthvað ömurlegt, svo fínlegt og asnalegt, húðin framan í mér er sko alveg..............hvaða pokar eru þetta???

Ég er náttúrulega ekki í lagi !!

Mitt í þessum hugarórum þá reyni ég að hugsa eitthvað jákvætt - ég er jú bara venjuleg kona.

Ég á fínan kall sem er búin að vera með mér í yfir þrjá áratugi, börnin mín eru bæði í góðum málum og ég er svo stolt af þeim. Ég er í vinnu, á hús og bíl (bíla) og allt af öllu. Svo kann ég ýmislegt fyrir mér og hef skemmtileg áhugamál, sem ég get sinnt þrátt fyrir vigtina

Auðvitað á maður að vera ánægður með sig eins og maður er - en þessi auka kíló þurfa samt að fara og ég kann sko alveg aðferðina; borða minna-hreyfa sig meira.

Maður er bara það sem maður hugsar  

think thin (don´t feel fat).

 

Athugasemdir

[Hólmfríður Pétursdóttir, 26.8.2010 kl. 10:50]

Var að varfra um vefinn og rakst á þessa góðu færslu þína.

Takk fyrir góðan pistil að morgni dag.

[Ásdís Sigurðardóttir, 26.8.2010 kl. 13:10]

Góð og jákvæð færsla, vertu bara dugleg að fara út að labba, það svínvirkar.

[Sigrún Óskars, 26.8.2010 kl. 13:43]

Ásdís, var einmitt að koma úr göngu út á Bessastaðanesið, sá hringur tekur klukkutíma - hraðganga,

ég er ekkert smá dugleg

[Eyjólfur G Svavarsson, 26.8.2010 kl. 14:58]

Mér sýnist nú þú vera mjög jákvæð og ánægð með hvað þú ert dugleg, hvað þarf meyra. Gangi þér vel.

[Sigrún Óskars, 26.8.2010 kl. 17:54]

Eyjólfur, ég þarf að hafa mig alla við til að halda einhverri jákvæðni. Það er svo ekkert skrítið að ég sé ánægð með göngutúr dagsins - 6,8 km á klukkustund - hef verið svo ódugleg að ganga undanfarið.

[Ragnheiður , 26.8.2010 kl. 22:24]

þú ert flott kona, ég veit það sko. Sé þig oft !

Ég er í vondum málum, held að ég sé með 30 kg eða meir í yfirvigt !!

[Sigrún Óskars, 27.8.2010 kl. 08:56]

Æ, takk Ragnheiður. Vildi bara að ég sæi þig oftar !

En ég hef sko verið með 20 kg aukalega og ef þessi fáu kg fá að verða fleiri og fleiri þá enda þau í tuga kílóum. 

[Sigríður Sigurðardóttir, 7.9.2010 kl. 21:50]

Þú kannt þetta og ferð þetta með jákvæðu hugarfari..og kílóin fljúga burt!