ég vann t.d. 700 þús evrur í email lottói ............

........... netfangið mitt var dregið út í þýsku lottói og vinningurinn ekki af verri endanum 700 þúsund evrur - en sú heppni

þeir nota google translate og senda manni bréfið á íslensku, google translate þýðingarnar eru svo fyndnar, svo það er bara gaman að lesa þetta.

ég er með netfang sem er @com og ég fæ því oft allskonar bréf t.d. að Mr. Oskarsdottir hafi dáið frá mikilli fjárupphæð og verið sé að leita af ættingjum........ annars eru svona netfanga-vinningar algengir, þessi er bara óvenju hár.

en kannski eru einhverjir sem trúa þessu...... vonandi ekki - maður vinnur ekki í því sem maður tekur ekki þátt í

ég spila alltaf í Lottó og er enn að bíða eftir að vinna

 

Ótrúlegt hvað hægt er að plata fólk

Hvernig er hægt að spara meira þegar aukning hefur orðið á þjónustunni?

ég bara spyr!

Mér finnst komið að því að spyrja þá sem ráða s.s. ríkisvaldið - hvað vilja þeir fá fyrir peninginn sem þeir setja í Landspítalann. Aukning á þjónustu fyrir minni pening - hvernig getur það staðist?

Hvaða þjónustu á að veita á LSH? Hverjum á að sinna? Á að setja aldurstakmörk á sjúklinga? (samanber lokun líknardeildar fyrir aldraða). Það þarf hreinlega að fá á hreint hvað ríkisstjórnin vill í þessu máli.

Sparnaðurinn er að ganga út í öfgar að mínu mati. 

Eina ferðina enn á starfsfólkið að vera hrætt um stöðu sína - hverjum verður sagt upp??

"Eins gott að haga sér vel svo manni verði ekki fyrst sagt upp"

Er hægt að láta starfsfólkið hlaupa enn hraðar? Er hægt að fækka starfsfólki þrátt fyrir aukna þjónustu?

Nei, ekki á minni deild. Það er ekki endalaust hægt að níðast á starfsfólkinu! Er ekki starfsfólkið mannauður og heilt batterí innan LSH sem sinnir því. 

Getur ríkisvaldið sparað annars staðar? Já - t.d. sameinað sendiráð - hvað þarf mörg sendiráð á Norðurlöndum á tölvuöld? Mætti ekki fara að loka og sameina þar?

Allavega vona ég að LSH geti starfað sem alvöru sjúkrahús.

Stöðum á LSH fækkar um 85

lækkun "erlendis" rúm 10% - lækkun "hérlendis" minna en 1%

...... einn daginn gubba ég !

 6.ágúst í fyrra var bensínverð (shell) 198,5 kr. Þá kostaði tunnan af olíu 82$ og dollarinn var 117,2kr. 

í dag er bensínverð (shell) 236 kr. Olíutunnan kostar 79,64$ og dollarinn er 118,4 kr

það munar 37,5 kr - svo segja þeir hjá olíufélögunum að álagning hafi ekki hækkað

hver trúir þessu??

ekki ég 

eigið góða helgi

 

Olíuverð lækkar

þetta er gömul frétt.........

 

... í fyrrasumar þá kom Alþjóðagjaldeyrissjóðurinn með þessa hugmynd að breyta virðisaukaskattskerfinu okkar. Hækka skatt á matvælum í 14% og hækka skatt á bókum í 25,5% 

Steingrímur fjármálaráðherra hefur kannski ekki þorað að breyta þessu þá.....  en núna er hann hvort sem er með allt niðrum sig og getur kýlt á þetta.

Þetta er líka alveg í stíl við það sem ríkisstjórnin ætlaði að gera... eða hvað ??

http://www.sa.is/frettir/eldra/nr/4911/

 http://www.mbl.is/frettir/sjonvarp/50235/

Virðisaukaskattshækkun á mat?

vona bara að þetta sé ekki "búðasýning" eins og undanfarið....

.... en ég ætla ekki að fara þetta árið. Mér finnst þessi sýning hafa verið fyrst og fremst sölusýning;

maður borgar inn og svo skoðar maður "búðirnar" og "fjöldaframleiðslu". Verslanir eru mikið með bása þarna og eru bara að selja á næstum sama prís og í sjálfum verslununum.

Mér finnst vanta "handverkskonur" svona eins og mig sem væru að "sýna" ekki selja.

 

 

Handverkshátíð í Hrafnagili um helgina

gisting í Mýrdalnum gefin upp í evrum......

....... ætli maður þurfi að borga í evrum eða hvað??

Svo kvarta þeir um "NOKKUR HUNDRUÐ MILLJÓNA TJÓN" sjá hér 

Spurning er hvort þetta séu milljónir evra eða milljónir króna ??

Og ef þeir í Mýrdalnum eru að tapa nokkur hundruð milljónum á ca 2 vikum þá hljóta þeir að græða í venjulegu árferði og borga af því skatt

bara til gamans þá kostar ein nótt í Mýrdalnum fyrir einn 120 Evrur

Álagningin hefur hækkað.....

í mars þegar eldsneytisverð erlendis var hærra en núna og dollarinn 115 kr. eins og nú þá var bensínverðið hjá Olíurisunum (Skeljungur, N1 og Olís) lægra en núna þ.e. 231,9 kr líterinn.

þetta er ótrúlegt - alltaf þegar olíuverð erlendis hækkar, þá hækka íslensku Risarnir, en eru lengi að lækka aftur. Auðvelt er að fylgjast með verðlaginu á

http://oil-price.net/dashboard.php?lang=en#TINY_CHART

Enn verra er að því hærra sem bensínverð hér er því meira fær Steingrímur í ríkissjóð - þannig að ríkisstjórnin hefur ekki efni á að gera neitt í málinu. 

Forvitnilegt væri að vita hvort forstjórarnir séu enn á "ofurlaunum" - 3 milljónir á mánuði (af því þeir bera svo mikla ábyrgð).

 

 

Eldsneyti hækkar aftur

Verðið hækkar í tönkunum......

....... eða hvað ??

Vissulega hefur olían hækkað aðeins - en dollarinn hefur lækkað aftur, það kallar Olís víst breyting á gengi krónunnar. 

Mér finnst alveg undarlegt hvað olíufélögin á Íslandi hækka alltaf sama daginn, síðast 3. des. 

Er næstum því hlynnt ríkisrekstri með bensín - minni yfirbygging, en þessi yfirbygging kostar sitt því  olíu"furstarnir" hjá Olís, Shell og N1 eru allir með um 3 milljónir á mánuði í laun. 

Kannski er verið að ná inn fyrir "jólabónus" ??

Hafið það gott og keyrið varlega, ekki gefa í...... það kostar meira

Olís hækkaði um 5 krónur

táknmál fyrir heyrnarlausa.........

Ég þykist geta "sagt" hvað ég heiti á táknmáli. En í kvöld þegar ég ætlaði að segja hvað ég heiti þá mundi ég ekki hvort var S og hvort var G og vildi ekki taka sénisnn á því að  heita Gisrún. Næst þegar heyrnarlausi sölumaðurinn kemur þá kannski man ég þetta. Þessi maður kemur reglulega til mín og selur mér eitthvað - núna almanak Þroskahjálpar, en ég kaupi einhvern veginn allt sem hann er að selja.

Mér finnst heyrnarleysi svo skelfilegt - ég man bara hvernig það var áður en ég fékk heyrnartækið - já ég þarf bara eitt tæki því ég er með þokkaleg heyrn á hinu eyranu - ennþá. 

Félagslega þá er maður "out" !! Ég man hvernig ég sat með fólki - brosti og þóttist heyra hvað talað var um - og missti af öllu. Ekkert mál ef maður var með einni manneskju, en það mátti ekki vera mikið af hljóðum í kring............... eintómt vesen, best að vera bara heima. Svo þótti ég merkileg með mig - svaraði ekki einu sinni þegar yrt var á mig.......... s.s. ég heyrði það ekki - en það sést ekki utaná manni að maður heyrir ekki. 

En heyrnartækið er algjör bjargvættur. Ég ætla ekki að fara út í verð, tryggingarstofnun og 25,5% virðisaukaskatt á heyrnartækjum - heldur ekki "nýmóðins" tæki sem alheyrandi eru að "þróa". Verð frekar fúl í skapi við svoleiðis hugleiðingar. Samt ætla ég einn daginn að skrifa bréf til ráðherra fjármála og fá rökstuðning fyrir þessum virðisaukaskatti á heyrnartækjum.  

 

Helgarkveðjur og knús til allra - og njótið þess að heyra  - ég geri það allavega.

Ef þið viljið kunna nafnið ykkar þá er það hérna

Líterinn hefur hækkað um 20 kall frá áramótum - olíuverð lækkaði í byrjun febrúar á "heimsmarkaði" en ekki á Íslandi

Frá áramótum hefur bensínverð hækkað um 20 krónur - úr 188,20 kr í 208,20kr. 

Samt lækkaði bensínverðið um mánaðarmótin jan / febr. en ekki á Íslandi.

Í fréttinni segir að bensínverð hjá N1 sé lægra en hjá hinum - það er ekki rétt - auðvitað hækka allir sama daginn og allir með sama verð.

Það þarf að gera eitthvað í þessu - við getum ekki látið þetta yfir okkur ganga endalaust. 

  

Eldsneytisverð hækkar