Falleg tónlist getur algjörlega bjargað manni.........

................... þegar maður er að fara á límingunum.

Það er að komast mynd á eldhúsið mitt - þetta er allt að koma - en ég er að fara á límingunum, finnst þetta ekki ganga nógu hratt fyrir sig - kannast einhver við svona bráðlæti ??

En það verður allt nýtt í eldhúsinu nema ísskápurinn og ég . Jú gamla leirtauið verður líka í nýju innréttingunni. Það hefur ýmislegt farið til Frú Sorpu - ótrúlegt en satt - ég hef hent helling - enda les ég bókina "Burt með draslið" aftur á bak og áfram.

Svo er ég búin að velja mér ofn og uppþvottavél. Aldrei í lífinu hef ég haft uppþvottavél svo ég þekki ekki þægindin og ofninn minn er ca 50 ára gamall Siemens - ekki með blæstri - svo núna verður "ungfrú Álftanes" bæði með uppþvottavél og blástursofn - vona bara að hún kunni að meta þessi "þægindi".

Móttettukórinn (jóladiskurinn) er bara settur á og haldið áfram að raða í skápana. Unglingurinn á heimilinu hefur sko skoðun á því hvernig er raðað í fínu stóru skúffurnar. Uppgötvaði það að hann er oftast látinn leggja á borðið - því hann vill hafa hnífapör, glös og diska í röð - bara frábært.

Njótið dagsins  eins og ég ætla að gera

 

Athugasemdir

[Þórarinn Þ Gíslason (IP-tala skráð) 13.12.2009 kl. 12:33]

 Sæl, Sigrún.

þetta er allveg rétt hjá þér, að vísu hef ég ekki hlustað á þennan tiltekna disk , en ég er ekki í vafa að hann er gersemi.

Njóttu.

Kær kveðja.

[Sigrún Óskars, 13.12.2009 kl. 14:43]

já Þórarinn - þessi diskur er algjör gersemi, enda spilaður mikið.

[Aprílrós, 13.12.2009 kl. 15:33]

oh bara yndislegt hjá þér, og gott hjá þér að endurnýja eldhúsið ;)

[Ragnheiður , 13.12.2009 kl. 19:48]

Ivar er líka gersemi, hér mjakast þetta í rétta átt. Ég er þolinmóð bara að bíða...(bít á jaxlinn bara)

Þetta verður snilld þegar þetta er búið

Gréta og Steini á 9 eru í verri málum en ég, þar erum við að tala um múrbrot !

[Sigríður Sigurðardóttir, 16.12.2009 kl. 17:24]

Til lukku með nýja eldhúsið, kollega...og það að verða "modern", með uppþvottavél og alles.  Falleg músík getur bjargað sálarheill manna.