Ég er ánægð með......

..... að eitthvað er að gerast í þjóðmálunum - vona samt að ekkert verði gert í fljótfærni. Tek hattinn ofan fyrir viðskiptaráðherra, sérstaklega fyrir að nú hefur Fjármálaeftirlitið tekið pokann sinn.

Það er samt eitt sem ég ekki skil og það er að yfirmaður Fjármálaeftirlitsins hættir ekki fyrr en 1. mars og þar að auki fær hann laun í eitt ár. Launin eru 17oo þúsund á mánuði - kannski svona há því hann ber einhverja ábyrgð. En hvar er ábyrgðin? Á hann ekki að hætta NÚNA? Og taka þar með ábyrgð. Það er eitthvað sem ég ekki skil. Kannski þarf hann að "ganga frá eftir sig" - bara hugmynd.

Annars er bloggstífla hjá frúnni, dagarnir líða bara og ég hef ekkert að segja. Þetta hefur verið vika heimsókna og hittings - maður hittir ekki bara fólk á facebook, sem betur fer. Samt er gaman hvað maður grefur upp gamla vini á facebook.

Elskurnar mínar, hafið það gott og njótið vikunnar sem framundan er.

Athugasemdir

[Aprílrós, 25.1.2009 kl. 23:57]

Bloggstífla hjá fleirum ;) það koma bara svona dagar inná milli ;)

[Jóna Kolbrún Garðarsdóttir, 26.1.2009 kl. 01:21]

[Auður Proppé, 26.1.2009 kl. 10:50]

Já, við skulum vona að það verði engin fljótfærni, þó ég verði nú að segja að stjórnin hafi tekið sinn tíma hingað til.

[Þórhildur Daðadóttir, 26.1.2009 kl. 11:03]

Já því miður virðist allt taka ógurlega langan tíma eitthvað.

Knús á þig

[Tína, 26.1.2009 kl. 20:32]

Ég viðurkenni fúslega að ég er ansi hrædd um það sem mun gerast næstu vikurnar. Vonandi hef ég bara rangt fyrir mér.

Ætlaði annars rétt sem snöggvast að senda á þig knús dúllan mín. Sérstaklega þegar haft er í huga hversu langt er nú liðið frá því ég leit síðast inn hérna.

Farðu rokna vel með þig krútta

[Guðrún Una Jónsdóttir, 26.1.2009 kl. 20:54]

Já nú eru hlutirnir heldur betur að gerast. Við búum þessa stundina í stjórnlausu landi. Spáðu í það ! Það hefur nú reyndar verið hálf stjórnlaust sl mánuði þrátt fyrir sitjandi ríkisstjórn. Já nú er fróðlegt að vita hvað gerist næstu klukkutímana.

 Annars sit ég á rólegri kvöldvakt á gæslunni og freistaðist því inná bloggið. Það er gott þegar fólk þarf ekki á gjörgæslu að halda .

Eigðu gott mánudagskvöld.

[Sigríður Sigurðardóttir, 30.1.2009 kl. 19:48]

Botnar maður eitthvað í þessu?   Sei, sei nei!  1700 þúsundir á mánuði!  Í dag fengum við hjónaleysin BJÖRGUN frá ríkinu...heilar 2.200 krónur á mann...sem sagt eina bíóferð með djásninu, en fólk sem hætt er störfum fær 1700 þúsundir í heilt ár!   Eitthvað er meira en lítið bogið við þetta! 

[Sigrún Óskars, 30.1.2009 kl. 20:06]

Við hjónin fengum líka "björgun" frá ríkinu í dag; sitthvorar 610 krónur sent í sitthvoru umslaginu. Þetta er sorglegt alltsaman og meira en lítið bogið við þetta