Það er stór dagur í dag

Í dag er ég hætt að reykja

og líkama og sál að veikja

Það er mikil líkn

að vera laus við þessa fíkn

og þurf‘ekki  í rettu að kveikja

 

Á einu almanaksári

laus úr nikótínfári

er það einföld stærðfræði

ég 200 þúsund græði

já bara á einu ári

 

Ég verð ekki brjáluð í skapi

né köfnuð í spiki og skvapi

því „bókin“ mig fræddi

heilaþvott græddi

að verða ekki fíkniefna-api

 

Ég bið ykkur bloggheimur góður

sem er um svo margt fróður

að gefa mér ráð

í góðan jarðveg verður sáð

þar sem ekki vex nikótíngróður.

 

Athugasemdir

[Ragnheiður , 1.9.2008 kl. 17:52]

Shit hvað ég þyrfti að gera þetta....hef engin ráð mín kæra

[Aprílrós, 1.9.2008 kl. 19:02]

Til hamingju ;) Og veistu ! ég gleymdi að fara í söngprufuna hehehe.

[Hólmdís Hjartardóttir, 1.9.2008 kl. 20:13]

Sigrún ég ætla að halda áfram enn um sinn

[Guðrún Ágústa Einarsdóttir, 1.9.2008 kl. 20:54]

Ég hætti í des í fyrra en sprakk í feb síðastliðin. En þetta tekst hjá mér þegar þar að kemur. En gangi þér rosalega vel með þetta.  kv Gunna.

[Tína, 2.9.2008 kl. 07:23]

Gangi þér hrikalega vel með þetta. En ég er hef því miður engin ráð handa þér. En ég mun fá þau hjá þér þegar kemur að því að ég hætti.

Knús á þig krútta.

[Sigríður Sigurðardóttir, 2.9.2008 kl. 12:19]

  Frábær vísa...en sorry, hef aldrei reykt svo mitt eina ráð er:

  Drepa í og "kveikja ekki aftur í þann daginn".....einn dag í einu.

  Baráttukveðja,  Sigga.

[Sigrún Sigurðardóttir, 2.9.2008 kl. 19:07]

Ég skal þyggja ráð hjá þér þegar að því kemur en eins og Sigríður segir ''einn dag í einu,,

[Brynja skordal, 3.9.2008 kl. 10:44]