snæfellsnes vísitasía....

.... og ég fann nýjan stað sem ég hef ekki komið á. Skarðsvík, sem er á leiðinni á Öndverðarnes. Ljós sandur, klettar, hellir og alles - meira að segja borðstofusett til að borða nestið sitt.

Ég er búin að fara hundrað sinnum á Snæfellsnes og aldrei komið þangað - maður er alltaf að finna eitthvað nýtt.

Annað sem við fundum var völdundarhúsið á milli Djúpalónssands og Dritvíkur. Enginn veit hvað þetta er gamalt en talið er að verbúðarmenn hafi gert þetta sér til dægrastyttingar.

Það er Geocaching leikurinn sem leiðir mann á svona staði. Þetta er GPS leikur - alþjóðlegur og út um allan heim. Mjög skemmtilegur.  

 

Athugasemdir

[Ásdís Sigurðardóttir, 5.7.2011 kl. 11:21]

þetta hefur verið skemmtileg ferð :)

[Sigrún Óskars, 6.7.2011 kl. 20:23]

Ásdís, það er alltaf skemmtilegt á Snæfellsnesi. Mér finnst líka svona dagsferðir æðislegar - leggja snemma af stað, taka með sér nesti, koma svo þreyttur og sæll heim.