Strandir, Vestfirðir, Landmannalaugar, garðurinn og góða veðrið !!

Nú fer sumarfríið að klárast - byrja að vinna á fimmtudaginn - Skrítið hvað 4 vikur líða hratt! 

Fríið hefur verið æðislegt - fórum vestur á strandir og á vestfirði, öll fimm saman. Veðrið var gott allan tímann, sem skiptir miklu máli. Gistingin "heppnaðist" vel en ég var búin að panta svefnpokagistingu fyrir okkur. Gistiþjónusta Sunnu á Drangsnesi toppar það samt alveg - mjög flott gisting fyrir sanngjarnt verð.

Ég á eftir að fara aftur á vestfirði, það er svo margt að sjá og skoða - engan vegin hægt að gera það í einni ferð.

Við fórum einnig í dagsferð uppí Landmannalaugar. Hjördís og Craig ætluðu þangað á "puttanum"  en við skutluðum þeim bara - alltaf gaman að koma þangað, ganga "hringinn" inní Grænagil - ólýsanleg fegurð.

Ég er heppin að fá svona gott veður þessa viku - garðvinnan er svo miklu skemmtilegri í sól. Skrítið hvað arfinn vex hratt, þegar maður bregður sér af bæ í hálfan mánuð. En mér finnst nú skemmtilegt að liggja á hnjánum í garðinum ( mér finnst samt ósanngjarnt að ég fái ekki kúlurass)

hafið það gott alle sammen

Athugasemdir

[Sigrún Óskars, 21.7.2009 kl. 23:14]

á myndinni eru Hjördís, Craig, ég og Ívar í Landmannalaugum.

[Aprílrós, 22.7.2009 kl. 01:10]

[Sigríður Sigurðardóttir, 25.7.2009 kl. 12:26]

Grand sumarfrí, vinkona.  Varð að endurhugsa allt fríið með bónda axlarbrotinn....verðum mest í eins dags túrum familían og svo í borginni við sundin bláu þess á milli.  Axlarbrotnir menn lélegir í útilegum og langferðum....og þessi líka bongóblíða alla daga!  Á Landmannalaugar alveg eftir....bregð mér máske bara þangað í gamalmannaferð þegar ég kemst á eftirlaunaaldurinn.  Flott mynd af ykkur.

[Sigrún Óskars, 25.7.2009 kl. 12:41]

leiðinlegt að heyra með axlarbrotið Sigríður, en Landmannalaugar eru ekki langt í burtu og hægt að fara þangað á venjulegum bíl (nyðri leiðina) - góður dagstúr ( kannski ekki með þann axlarbrotna)