Ég er með hugmynd af sparnaði í ríkisrekstrinum!

Núverandi hugmyndir sem miða að því að segja upp fólki og hræra í vaktakerfinu sparar kannski eitthvað - en þjónustan kemur þá til með að minnka til muna. Þar fyrir utan verður ekkert hrært í neinu hjá "sumum". Ég er með einfalda leið sem kannski mundi minnka bilið á milli þeirra allra lægstu og allra hæstu - eða hvað? Alla vega gengur þetta yfir alla - ekki bara þá sem vinna á gólfinu.

Strípuð launalækkun á laun yfir 350 þúsund finnst mér vera raunhæfur kostur. Ekki hreyfa við lægstu laununum. Þetta þýðir að yfirvinna og vaktaálag lækkar líka.

yfir 350.000 = 10% lækkun

yfir 700.000 = 15% lækkun og

yfir 1.000.000 = 20% lækkun

þetta myndi spara heilan helling - er einfalt í sniðum, en þyrfti að vera tímasett - t.d. í eitt ár í senn.

Athugasemdir

[Hólmdís Hjartardóttir, 28.1.2009 kl. 19:58]

tek undir

[Guðrún Ágústa Einarsdóttir, 28.1.2009 kl. 22:35]

Sammála...það má lækka laun ráðamanna.

[Auður Proppé, 28.1.2009 kl. 22:48]

Góð hugmynd

[Aprílrós, 28.1.2009 kl. 23:21]

Já tek undir þetta ,

[Jóna Kolbrún Garðarsdóttir, 29.1.2009 kl. 00:53]

Sammála. 

[Guðrún Una Jónsdóttir, 31.1.2009 kl. 03:20]

Ekki svo vitlaust Sigrún. Ég myndi semsé sleppa við lækkun miðað við þessar tillögur. Eftir 4 ára háskólanám, 2 ára framhaldsnám í gjörgæsluhjúkrun og 20 á starfsreynslu er ég með talsvert lægri laun en lægstu tölu sem þú nefnir. Ég fór náttúrulega ekki í hjúkrun til að verða auðug (allavega ekki af peningum). Það gera líklega fæstir.

Svo held ég að það séu til ýmsar óþarfa stöður í heilbrigðiskerfinu sem koma ekkert nálægt klínikkinni ,sem mættu missa sín ,allavega á þessum síðustu og verstu tímum. En þá mundu að sjálfsögðu einhverjir þurfa að taka pokann sinn....

[Sigrún Óskars, 31.1.2009 kl. 09:10]

Sigrún, ég sjálf er með Bs í hjúkrun og framhaldsnám frá Háskólanum í skurðhjúkrun, 26 ára starfsreynslu og næ heldur ekki 350 þúsund í laun á mánuði. Við verðum víst aldrei ríkar af peningum.

[Ragnheiður , 31.1.2009 kl. 10:13]

Já þetta er einföld og ágæt hugmynd, verst að toppunum dettur aldrei í hug svona einfaldat hugmyndir !

Þeir reka alltaf bara skúringaliðið!