Ég sat í náttfötunum, með kaffibolla.....

...... og hugsaði hvort það væri hægt að deyja úr rolugangi og leti. Nennti ekki út , nennti ekki að laga til - sólin skein á stigann og undir hann  þvílíkt ryk samankomið á einum stað. 

Þá allt í einu koma fjórir myndarlegir  og draga mig út. Ég rétt náði að klæða mig í lopann og snjóbuxurnar og reima á mig Scarpa. Setti svo þessa fjóra myndarlegu í eyrað (og heyrnartækið í hitt) og lagði af stað. Þetta voru Il Divo sem drógu mig út í sólina og sungu fyrir mig allann tímann . Þeir fara oft með mér út að labba - fínir göngufélagar. Það er annar myndarlegur sem dregur mig stundum út að ganga, en hann er blindur - ég þarf ekki að leiða hann, því hann er farin að rata svo vel um Álftanesið

Þegar ég kom inn þá skein sólin ekki lengur á stigann og ég sá ekkert ryk.

Athugasemdir

[Aprílrós, 18.1.2009 kl. 17:53]

Góð aðferð til að sjá ekki rykir er að koma sér úr sjónmáli við rykið, fara ut i sólina og koma inn þegar sólin er hætt að skýna. Nkl eins og þú gerðir Sigrún ;) Þetta ætla ég a gera ;)

[Ragnheiður , 18.1.2009 kl. 18:15]

Haha ..ég get svosem lánað þér göngufélaga í labbitúrana..

[Guðrún Una Jónsdóttir, 18.1.2009 kl. 22:01]

Skil vel að göngutúrinn hafi verið skemmtilegur. Tónlistin getur svo sannarlega peppað mann upp. Og hvað gerir maður ekki til að sleppa við að þurrka af eitthvert bölvað ryk.

[Jóna Kolbrún Garðarsdóttir, 19.1.2009 kl. 00:59]

  Il Divo eru frábærir

[Sigríður Sigurðardóttir, 20.1.2009 kl. 13:54]

  "Draga vel fyrir glugga" þá sól skín á rykuga staði, og BINGÓ ekkert ryk.  En ég skal trúa því að göngutúrinn hafi verið góður.

[Sigrún Óskars, 20.1.2009 kl. 16:02]

Góð hugmynd að draga fyrir glugga  

[Ragnheiður Rafnsdóttir (IP-tala skráð) 22.1.2009 kl. 07:54]

já Il Divo eru yndi.... Mikið ertu dugleg að drífa þig út að ganga.... En eins og þú sagðir varstu í góðum félagsskap..

Söngkveðjur frá Höfn...