Þú ert það sem þú hugsar

Það er komið nýtt "flakkarablogg"

Það er svo gaman að lesa "flakkarabloggið", hún lendir alltaf í einhverju skemmtilegu og skrifar skemmtilega um það. Nú er hún á Filippseyjum, að bræða af sér Kína-kuldann.

Ég er svo stolt af henni, hún er svo hugrökk og dugleg. Stundar "skóla lífsins" og flakkar út um allann heim. Tungumál eru einhvernvegin innbyggð í hana (útskrifaðist sem stúdent með 7 tungumál fyrir utan íslensku). Við foreldrarnir styðjum hana heilshugar í þessum ferðalögum, höfum líka notið góðs af þekkingu hennar þegar hún fór með okkur um Suður Ameríku f. 2 árum. Þá komst ég að því að með tungumálakunnáttunni og sjarmanum nær hún til fólksins, sýgur í sig menningu þeirra og lærir af þeim. Fer ekki hefðbundnar túrista-leiðir, fer sínar leiðir. Hún er einstök stelpan, enda köllum við hana Yndisfríð, því hún er ekki bara falleg hún er líka yndisleg.

Meginflokkur: Vinir og fjölskylda | Aukaflokkur: Ferðalög | Fimmtudagur, 21. febrúar 2008 | Facebook

Athugasemdir

Best að kíkja á þetta hjá henni. Vonandi hlýnar henni fljótt. Kveðja úr Skógarhlíð í þetta sinn

Ragnheiður , 21.2.2008 kl. 22:31

Æi, mar bara öfundar svona ferðalanga. Það er svo yndislegt að ferðast til framandi landa - sérstaklega þegar farnar eru ótroðnar slóðir - alveg dásamlegt.

Sumir eru snillingar í tungumálum, það verður ekki af þeim skafið - aðrir - eins og ég - halda sig við sitt eigið - og kannski enskuna og spænskuna með..