Hver á sætið í bæjarstjórninni? Er kosið eftir flokkakerfi eða eru einstaklingar kosnir?

Mér finnst alltaf jafn skrítin þessi pólitík...... ekki bara pólitíkin í Garðinum.

Það er kosið eftir "flokkakerfi" þ.e. maður kýs flokk og stefnu hans, þótt auðvitað hafa einstaklingarnir í flokknum áhrif. En þegar fólkið í flokknum er komið í stjórn - er það þá óbundið flokknum? Getur bara farið í hvaða flokk sem er?

Á ekki "flokkurinn" sætið í bæjarstjórn - eða er það manneskjan sem var í flokknum????

Það væri mjög fróðlegt að sjá hvar í lögum það stendur að einstaklingurinn "eigi" sætið, hvort sem það er í bæjarstjórnum eða á Alþingi. 

Ég hef oft velt þessu fyrir mér og ég tek það fram að ég þekki ekkert pólitíkina á Garðinum.

Pólitík hefur skemmt skólastarfið

Eru byrjunarlaun presta virkilega 230.000 kr hærri en leikskólakennara?

 

ég held að það þurfi að taka til í launamálum hjá "ríkinu" ef þetta er satt. 

ég er ekki að segja að laun presta séu of há, en af hverju er ekki sömu laun fyrir svipað nám.

ég er t.d. með framhaldsnám í Háskóla og 29 ára starfsreynslu sem hjúkrunarfræðingur og mín laun eru langt fyrir neðan byrjunarlaun presta.

ég trúi þessu bara ekki - trúið þið þessu??

 

 

Byrjunarlaun sjúkraliða 214.000
Byrjunarlaun lögreglumanna 220.00
Byrjunalaun slökkviliðsmanna 243.000
Byrjunarlaun leikskólakennara 247.000
Byrjunarlaun hjúkrunarfræðinga 250. 000
Byrjunarlaun presta 474.000

Ekki deilt um framkvæmdina

Tímamótasamningur fyrir stúdenta!

Stúdentaráð virðist hafa himin höndum gripið - Atlantsolía ætlar að gefa stúdentum 1,82% afslátt af bensíni (3 kr. afsláttur af 164,10 kr = 1,82%). Til að toppa grínið þá gefa furstarnir stúdentum pulsu og kók í dag. Mér finnst þetta hálfgerð niðurlæging að tala um tímamótasamning , ef um væri að ræða alvöru afslátt t.d. 10 - 15 % , þá væri fyrirsögnin í lagi - en ekki þegar um er að ræða 1,82% afslátt.

Ég útskrifaðist á laugardaginn....

....frá Háskóla Íslands, lauk sem sagt diplómanámi í skurðhjúkrun, sem er 30 eininga framhaldsnám. Þvílíkur léttir að vera búin, komin með skjalið í hendurnar. Ég var síðasti neminn að útskrifast þennan dag, hjúkrunardeildin er yngsta deildin og er því síðust í röðinni og ég var síðust í stafrófinu - allt í einu var ég bara ein á sviðinu í Háskólabíó, fannst ég eiga sviðið -

Nú getur maður sinnt öðrum störfum, sem hafa verið settir á "hold". T.d. Gígjan, sem er landsamband íslenskra kvennakóra, þar er fullt að gerast og fullt framundan. Get nú einbeitt mér að þeirri vinnu. Alla vega kemur mér ekki til með að leiðast, þótt ritgerðir og skólabókalestur sé ekki með í myndinni lengur. Svo á ég mjög gott með að gera ekki neitt - bara njóta augnabliksins.

Er á tauginni......

......að bíða eftir einkunn. Ef ég næ prófinu þá útskrifast ég þann 23.febr annars ekki. Í síðasta prófi var yfir 50% fall, en ég rétt skreið og ég verð að skríða núna. Undarlegt að hafa prófin svona þung að tæplega helmingur nemenda nái því - og það í framhaldsnámi í Háskóla Íslands.

Krossa fingur (erfitt að pikka á lyklaborðið með krossaðar fingur).