Barbapabba syndromið....

...... hef ég náð mér í núna um jólin. Þá er ég að meina vaxtarlagið. Ég er eins og barbamamma í laginu í þessum töluðu orðum enda ekkert skrítið. Hamborgarahryggur, hangikjöt og lakkrís eru afleiðingarnar. Jú má ekki gleyma kökunum og vindlunum. Ég er sem sagt "dottin í það" - en eru ekki jólin? Það verður bara Núpó-Létt hristingur í dag, allavega fram að kvöldmat  (Núpó-Létt er svo þvagræsandi).

Ég er búin að hafa það mjög gott, við fjölskyldan höfum verið að spila fram á nætur - hlegið og haft gaman. Svona á það að vera á jólunum; gleði, kærleikur og samvera. Ég var á bakvakt í gær og var ekkert kölluð út, það var sem sagt engin skurðaðgerð gerð í gær - sem betur fer.

Hafið það gott elskurnar og njótið alls þess sem þið hafið.

Jólaknús frá Barbamömmu

Athugasemdir

[Hólmdís Hjartardóttir, 26.12.2008 kl. 15:11]

Njóttu áfram    tók eina furix í morgun og það skilar sér sannarlega!

[Guðrún Ágústa Einarsdóttir, 26.12.2008 kl. 21:16]

Já það verður tekið á því eftir áramót...maður er orðin afvelta.... það er spurning hvort það verður bara grænmeti fram á gamlársdag og svo melónukúr eftir áramót...

Haltu áfram að hafa það gott með kærleiksgleði í hjarta.

kv Gunna.

[Aprílrós, 26.12.2008 kl. 22:05]

Það eru bara jól einu sinni á ári haldin, en með réttu ætti að halda jólin í júní því Jesu fæddist í júní. Hafðu ekki áhyggjur af því sem sest utan á ykkur, þau fara með miklu vatnsþambi og gönguferðum.

Eigðu áfram gleðilega jólahátíð.

[Jóna Kolbrún Garðarsdóttir, 27.12.2008 kl. 00:40]

Ég hef verið eins og Barbamamma í vextinum í mörg ár og kippi ég mér ekki upp við smá jólamat.  Kílóin koma aðallega en fara helst ekki aftur af mér

[Ásdís Emilía Björgvinsdóttir (IP-tala skráð) 30.12.2008 kl. 18:43]

[Guðrún Ágústa Einarsdóttir, 31.12.2008 kl. 03:15]

Gleðilegt ár elskuleg vona að þú eigir góð og ljúf áramót.

Takk fyrir bloggvináttuna.

Áramótakveðja. Gunna.

[Ragnheiður , 1.1.2009 kl. 19:54]

Ahh ég var alltaf svo hrifin af henni, hún var falleg, gljáandi svört. Sá aldrei neitt athugavert við vaxtarlag hennar.

Gott að heyra að þið hafið það gott þarna "bakvið"