Linsu-tilraunir og myndir úr hringferðinni með feðgunum!

Búin að setja inn nokkrar myndir úr hringferðinni.

Þegar ég pantaði augnlinsurnar mínar síðast, þá pantaði ég einn pakka af "daufari"linsum og er að gera tilraun á sjálfri mér. Ég nota -3,25 á báðum augum og svo þarf ég lesgleraugu sem eru +2.0. Daufari linsurnar eru -1.25 og hef ég svoleiðis í öðru auganu og -3,25 í hinu. Þá þarf ég ekki lesgleraugu og finnst þetta bara frábært. Þarf því að panta meira af þessum daufari frá Sam frænda (USA). Þar eru augnlinsur mikið ódýrari en hér á Íslandi, enda skil ég ekki álagninguna á sumum vöruflokkum hér á landi. Fyrir utan lúxus-skattinn sem ég þarf að borga af linsunum (og gleraugum og heyrnartækjum), sem ég get endalaust talað um.

Talandi um heyrnartæki, þá ætla ég að kaupa mér nýtt og nýmóðins tæki núna í haust. Þegar ég sýndi feðgunum svona tæki (kona á næsta borði, sem var með svona tæki), þá fannst  þeim mitt geta farið á þjóðminjasafnið. Þessi nýju tæki eru með systemi sem gerir það að verkum að ég get hlustað á Ipod í gegnum tækið. Yrði bara geggjað að hlusta á musik í báðum eyrum þegar maður gengur hér um Álftanesið.

Athugasemdir

[Guðrún Ágústa Einarsdóttir, 7.8.2008 kl. 17:39]

Fínar myndirnar...já ég hef oft verið að spá í linsur..en ég veit ekki hvort ég geti það...þar sem ég er fjarsýn á öðru og nærsýn á hinu og með sjónskekkju og bla...en það kemur bara í ljós.. hehehe...

[Hólmdís Hjartardóttir, 7.8.2008 kl. 18:21]

[Aprílrós, 7.8.2008 kl. 22:30]

Guðrún, ! þá notarðu bara sitthvorn stirkleikann á linsum sem sé við nær og fjærsýnu.

Kveðja Guðrún Ing