Við töpum öll á þessu máli....

Það er undarlegt að eyða öllum þessum tíma og peningum til að reyna að grafa undan mönnum sem fara í taugarnar á "landspabbanum".  Hvað kom svo út úr þessu? Jú, eftir sex ára velting í dómskerfinu fær Jón Ásgeir 3 mánuði skilorðsbundna, en hann er náttúrulega löngu búin að taka út sinn dóm á þessum sex árum. Svo má hann ekki vera í stjórnum sinna félaga hér á landi og auðvitað fer hann úr landi og borgar skatta þar.  Hver vinnur og hver tapar? Er landspabbinn ánægður með árangurinn?

Alþingismenn geta fengið inn varaþingmenn inn fyrir sig meðan þeir sitja af sér dóma í fangelsi. Skyldi ég fá afleysingu meðan ég færi í fangelsi, kæmi svo aftur eins og ekkert hefði í skorist. Kannski - það vantar svo hjúkrunarfræðinga - væri kannski horft fram hjá svona smotteríi eins og hjá alþingismönnum.

 

 

 

Mun flytja einhver félög Baugs til annarra landa

Athugasemdir

[Hólmdís Hjartardóttir, 29.6.2008 kl. 12:00]

góð Sigrún

[Predikarinn - Cacoethes scribendi , 29.6.2008 kl. 12:44]

Já þeim feðgum hefur sannarlega tekist geislaBAUGSsmíðin á sjálfa sig í fjölmiðlum sínum fyrst fólk skrifar svonaeins og hér er sett fram. Er sem sagt "aðför" í gangi á hundruð manna á hverju ári en ekki rannsókn og dómsmál í framhaldi ?ÞAnnig að við ættum kannski bara að loka dómstólunum og lögvörsluembættum þessa lands til að koma í veg fyrir allar þessar aðfarir ?

Þessir menn voru dæmdir sekir um lögbrot og virtist sem héraðsdómur þyrði ekki að taka á 36 af ákærunum sem voru vel rannsakaðar og 2-3 óháðir mismunandi aðilar, sérfróðir á hverju sviði, sammála um sekt í hverjum ákærulið. Vísað var frá dómi vegna orðalags í ákærunum ekki vegna þess að þær ættu ekki við rök að styðjast. Ég myndi nú segja að þeir ættu að prísa sig sæla að þeir sluppu við þessar frávísuðu ákærur, en gleymið ekki því að Hæstiréttur sagði JÁJ  sekan um ólögmæta sjálftöku á fjármunum upp á hundruðir milljóna króna frá meðeigendum sínum í almenningshlutafélaginu, en ekki hægt að sakfella vegna fyrningar.

Svo hafa ýmsir leitt rök að því að langt sé síðan Bónus var alvöru lágvöruverðsverslun. Ekki verður til fjármagn í rekstur og kaup tveggja milljarða einkaþotunnar úr engu ......eða hvað ?  Sjáið fróðlegan pistil Gylfa Gylfasonar á blogginu :

"11.3.2008 | 03:36

Jóhannes í Bónus er glæpamaður

Sem kaupmaður hef ég alltaf séð Jóhannes í Bónus fyrir mér sem glæpamann og lýðskrumara af verstu tegund.  Vinsældir hans eru mér ráðgáta en kaupmannsbrögðin voru einföld en áhrifarík með fulltingi fjölmiðla sem kallinn spilaði á eins og fiðlu.

Eftir að Bónusdrengirnir eignuðust Hagkaup og 10-11 þá keyrðu þeir upp álagninguna beggja megin en létu Bónus halda sama verðmun gagnvart Hagkaup.  Í skjóli þríeykisins léku þeir á máttlaus neytendasamtök sem gerðu ekkert annað en að horfa á verðmuninn á milli Hagkaups og Bónuss en gleymdu heildarmyndinni sem er sú að öllum markaðnum var lyft í álagningu.

Hagkaup hefur alltaf verið ákveðin viðmiðun fyrir aðra kaupmenn í t.d. leikföngum og fatnaði en þar er hið sama uppá teningnum eða of hátt verð á íslandi vegna markaðsstyrks Baugs.  Okurstarfsemin nær líka til smærri kaupmanna sem eðlilega fagna hærri álagningu miðað við Hagkaupsverðin.  Menn verða að gera sér grein fyrir því að smærri aðlilar miða sig alltaf við hina stóru og ef þeir hækka þá fylgir halarófan á eftir.

Þegar ég starfaði við matvæladreifingu fyrir 150 Reykvíska heildsala í gegnum norðlenska umboðsverslun þá sá maður vel hvernig álagningarlandið liggur.  Einn álagningaflokkurinn var kallaður bensínstöðvaálagning en þær lögðu feitast á, rétt eins og apótekin.  Nú er svo komið að 10-11 er með hærri álagningu en nokkuð annað verslunarfyrirtæki með matvöru og hækkunin hjá Hagkaup er augljós öllum sem við verslun starfa.  Nóatún hækkaði sig líka því þeir eru eðlilega bornir saman við Hagkaup.  Þetta er neytendablekkingin í hnotskurn.

Svo hampa þessi fyrirtæki þessum svokölluðu lágvöruverslunum sem eru í raun að keyra nokkuð nærri gömlu Hagkaupsverðunum áður en glæpamennirnir sölsuðu hina fornfrægu neytendastoð undir sig.

Siðferðisleg og samfélagsleg ábyrgð Baugs og Kaupáss er gríðarleg en því miður standa þeir ekki undir henni.  Jóhannes í Bónus er  viðskiptalegur stórglæpamaður sem hefur kostað neytendur meira en hann gaf þeim á meðan Bónus var lágvöruverslun.  Um leið er þetta maður sem hefur notað kjötfarsgróða til að vega að sitjandi ráðherra í ríkisstjórn íslands.  Ég sé Jóhannes fyrir mér sem frekar viðskiptasiðblindan frekjuhund á meðan hluti neytenda dýrkar hann vegna þess að á íslandi eru ekki starfandi alvöru neytendasamtök sem verja fólk gegn markaðsblekkingum.

Oft dettur mér í hug að Neytendasamtökunum sé á einhvern hátt mútað af Baug því þau veita Jóa hin svokölluðu neytendaverlaun fyrir að vera ódýrari á kassa 1 en kassa 2.

Eru íslenskir neytendur bara auðblekktir fávitar upp til hópa sem eiga hreinlega skilið að láta viðskiptasiðblinda auðhringi ræna sig með bros á vör því blaðið sem þeir gefa út prentar hentugan sannleika og kyndir undir sölubatteríunum eftir pöntun.

Ég hafna þessu ástandi en það er merkilegt að Davíð Oddsson sé eini stjórnmálamaðurinn sem hafi haft dug til að segja eitthvað bítandi.  Hinir þora ekki í Baug virðist vera.

Gylfi Gylfason"

[Sigrún Óskars, 29.6.2008 kl. 13:14]

Já sitt sýnist hverjum. Væru mörg fyrirtæki á Íslandi sem kæmust í gegnum sama nálaraugað og þetta fyrirtæki fór í gegnum? 

Ég veit allavega hverju þetta fyrirtæki hefur skilað mér, lægra vöruverði á matvöru. En þeir urðu ríkir, vita hvað þeir eru að gera og vita hvað þeir mega og mega ekki. Við þolum bara ekki ef einhver verður ríkur. Þetta er líka nýtt fyrir okkur - menn sem kaupa einkaþotur á meðan við hin kaupum notaðan bíl.

[Þórhildur Daðadóttir, 29.6.2008 kl. 14:18]

Það má engum ganga vel á þessu guðsvölaða landi. Þá stimplar fólk það sem glæpamenn. Að ég tali nú ekki um ef það er í ,,vitlausum" flokki.  Þessi blessaða öfund alltaf tröllríður öllu.

Ég er nú ekki vön að vera svona harðorð. En mér ofbíður bara þessi lenska hjá fólki að þurfa endalaust að vera að grafa undan þeim sem gengur vel og vita hvað þeir eru að gera.

Það er hver sinnar gæfu smiður!

[Predikarinn - Cacoethes scribendi , 29.6.2008 kl. 14:35]

Það vill nú svo til að Baugsfeðgarnir eru og voru í "réttum" flokki en ekki vitlausum eins og hér var fullyrt að ofan.

Þetta á ekkert með öfund að gera - þessir menn verða eins og við hin að fylgja lögum og stela ekki af meðeigendum sínum í almenningshlutafélögum og færa bókhald rétt sem og að svíkja ekki undan skatti. Við smælingjarnir fáum dóma fyrir það sem og auðmenn að einhverju marki alla vegana.

[Sigríður Sigurðardóttir, 29.6.2008 kl. 15:18]

  Innlitskvitt, Sigrún mín.

  Og fín umræða um Baugsmálið hér.  Missti sjálf botninn úr þessari endaleysu fyrir löngu....en vann einhver??  Eða var dómurinn jafn mikil endaleysa og allur gangurinn í málinu?

[Aprílrós, 29.6.2008 kl. 23:45]

Og hver borgar þessa einkaþotu Baugsmann ? jú við skattborgararnir uðvitað og við erum ekkert spurð hvort við vijum láta okkar pening í hana, og við fáum ekki afnot af henni nema borga fyirr það.

kveðja

Guðrún Ing

[Edda Bára (IP-tala skráð) 30.6.2008 kl. 03:47]

Guðrún hvernig færðu það út að við skattborgarar borgum þessa einkaþotu??? Er ekki alveg að ná upp í það.

Og predikarinn ég get ekki séð að hún sé að fullyrða að þeir séu í röngum flokki.. Ef ég skil þetta rétt er hún að tala heilt yfir.

En ég er mjög sátt þessu bloggi og sammála því.

Landspabbinn svokallaði virðist alveg gleyma hvað baugsveldið hefur gert fyrir okku íslendinga. Sjúkrastofnanir og aðra svona hjálparstofnanir á þessu landi. Alltaf boðnir og búnir til að aðstoða. Ég er ekki að rétta gjörðir þeira mér finnst bara dómurinn það furðulegur að þetta hefði aldrei þurft að taka allan þennan tíma svo ekki sé minnst á skattpeningana okkar í þessu máli.  Ekki minnist þú á það Guðrún mín.

Allavega í þessumáli styð ég Baugsveldið

 p.s. og hver var það svo sem startaði þessu máli og hvað fékk hann langan dóm??

[Guðrún Ágústa Einarsdóttir, 30.6.2008 kl. 15:26]

Án baugsfeðga er Bónus ekki  til. Svo ég segi..áfram Baugsfeðgar..þeir borga sitt og eru ekki að láta aðra um það.

Þeir byrjuðu Bónusveldið með nánast tvær hendur tómar og þar sem þeim hefur gengið svo vel að þá eru alltaf einhverjir sem reyna að sverta þá sem mest. Bara öfund og ekkert annað. kv Gunna.

[Tiger, 1.7.2008 kl. 00:25]

Flottar pælingar Sigrún mín. Við græðum öll á því að hafa baugsfeðga - þó þeir græði vel. Þeir mega sannarlega græða á mér svo framalega sem þeir leyfa mér að versla áfram í Bónus, því pyngjan mín finnur minna til þegar ég versla þar en annars staðar.. áfram Bónusfeðgar.

Burt af landinu með Landspabba gamla, hann er sannarlega barn síns tíma - rétt eins og hans félagar - og ísbirnir - og  - og - ... jamm.

Knús á þig dúllan mín ...

[Lilja G. Bolladóttir, 4.7.2008 kl. 09:35]

Ég vona að Davíð Oddsson sé ánægður með það skattfé sem fór í þessa vitleysu, mér finnst fáránlegt að við séum látin borga þessa málsmeðferð, þetta er hringavitleysa...... og úff, ég varð bara þreytt þegar ég las kommentið frá Predikarnum, þetta er bara too much á sólríkum sumardegi.....

Hafðu það nú gott, Sigrún!!! Góð færsla hjá þér.