Að gefa með kærleika í hjarta - maður fær það til baka.

Ég er svo hrifin af sjálfshjálparbókum og mín uppáhalds er "skyndibitar fyrir sálina". Eftir að ég las hana þá uppgötvaði ég margt m.a. að ég á skítnógan pening. Og það er alveg satt. Ég á fyrir öllu sem ég þarf og meira til. Sagt er að peningarnir fara þangað sem þeir eru fyrir og þar sem ég á peninga þá koma þeir til mín. Maður þarf líka að gefa pening til að eignast pening - einskonar hringrás. Það er eins með brosið - ef maður brosir til fólks þá fær maður bros til baka. Við eigum nóg af brosi og kærleik - þetta eyðist ekki þótt við spreðum þessu út. Ég er ekki að tala um að maður fái peninginn aftur frá sama stað - heldur þaðan sem þeir eru. Kannski orðin of djúp núna?

Það gerir okkur allavega að betri manneskjum að gefa - hvað sem við gefum, bros, kærleik, pening, bænir............og við fáum það til baka með einhverjum hætti.

Mér datt þetta í hug þegar ég var að millifæra inná söfnunarreikninginn sem ég auglýsti á síðunni minni. Ég millifærði með kærleik í hjarta og vona að allt gangi vel hjá fjölskyldunni - allavega legg ég mitt á vogarskálarnar til að svo verði og hef fjölskylduna í bænum mínum.

Höfum eitt í huga: Einn daginn gætum við þurft á aðstoð að halda.

Athugasemdir

[Ragnheiður , 27.5.2008 kl. 12:07]

Takk mín kæra...þú ert gullmolinn mesti

[Þórhildur Daðadóttir, 27.5.2008 kl. 14:23]

Þetta er svo satt og rétt, elskum náungan og þá fáum við það svo margfalt til baka.

[Hólmdís Hjartardóttir, 27.5.2008 kl. 16:33]

Það skín af þér manngæskan Sigrún mín

[Tiger, 27.5.2008 kl. 17:14]

   Knús á þig Sigrún mín - satt - bros og kærleikur kemur alltaf til baka! Eigðu ljúfan dag mín kæra!

[Sigríður Sigurðardóttir, 28.5.2008 kl. 21:52]

   Virðist alltaf koma tífalt til baka það góða sem við gerum, Sigrún.

  Sumarkveðjur inn í nóttina. 

[brussulina (IP-tala skráð) 29.5.2008 kl. 23:26]

sæl .

Takk fyrir fallegt komment á síðunni minni, mátti til að forvitnast hjá þér.

Má til að taka undir hjá þér. við fáum alltaf það til baka sem við gefum af okkur, og það er líka vert að þakka fyrir að vera aflögufær.

En sumt kostar ekkert, bros og falleg orð eða faðmlag. :)

Kveðja Brussulína.

[Lilja G. Bolladóttir, 30.5.2008 kl. 04:09]

Þú hefur sko rétt fyrir þér, og þetta er í takt við málsháttinn; "þú uppskerð sem þú sáir!.

Ef þú gefur af þér bros, færðu bros til baka (prófið bara!!) Ef þú sýnir kærleika, færðu hann líka til baka.