Burt með draslið!

Bókin "Burt með draslið" er algjör snilld fyrir fólk eins og mig. Ég á svo erfitt með að henda og láta frá mér dót en eftir lestur bókarinnar þá er allt auðveldara. Maður verður að vísu að lesa bókina reglulega til að minna sig á. Nú er ég einmitt að lesa bókina og hef farið hamförum - hent og gefið. Tók t.d. til í kringum tölvuna mína í gær, henti alls konar pappírsdrasli, hjúkrunargreinar sem ég á aldrei eftir að lesa aftur og flokkaði þær sem ég vil geyma. Svo tók ég myndir fyrir og eftir. Í dag fór ég í prjónakörfurnar mínar og tók allskonar garnafganga og henti og setti heilar dokkur í poka, sem ég er að hugsa um að gefa t.d. á Hrafnistu. Einnig fór ég í gegnum sjúkratöskuna, var með plástra og sjúkradót út um allt hús - viti menn - nú er allt á einum stað.

Lífið snýst ekki um að hafa og fá, heldur að vera og gera.

Á þessum spakmælum byrjar bókin. Svo held ég bara áfram að lesa og henda og gefa dót sem er annaðhvort ónýtt eða ég þarf ekki á að halda lengur.

 

Athugasemdir

[Hólmdís Hjartardóttir, 18.5.2008 kl. 14:55]

Með því að minnka draslið í kringum sig verður lífið léttara

[Ragnheiður , 18.5.2008 kl. 19:36]

Já ég þarf að fara að gera svona líka, það er ljóst. Aðallega er skúrinn slæmur, þar var öllu hent inn í fyrra og enginn dugur verið í neinum að laga það fram að þessu. En nú er ég búin að vera dugleg undanfarið og er byrjuð á hreingerningum fyrir vorið.

Knús

Ef hún Alda mín kemur í þínar hendur í vikunni þá veit ég að vel verður um hana hugsað.

[Tiger, 19.5.2008 kl. 03:16]

  Uss maður er stundum hálfgerður sjóræningi og sem slíkur með allt á rúfi og stúfi í kringum mig.. en bara í kringum tölvuna sko. Vill safnast svo mikið þar helst. Knús á þig Sigrún mín og eigðu ljúfa viku framundan.

[Sigríður Sigurðardóttir, 21.5.2008 kl. 21:49]

  Hmmmmm...ætti kannski að fá lánaða hjá þér bókina....svona eftir dótaríinu í kringum mína tölvu að dæma.

  Flott hjá þér, Sigrún.

[Sigurður Eðvaldsson (IP-tala skráð) 23.5.2008 kl. 17:32]

Ég er draslasafnari af verstu gerð. Mín versta martröð er að ég er svo smeykur við að henda einhverju því að e.tv kannnski einhvertíma gæti ég haft not fyrir það. Ég hefði því mjög gott að lestur þessarar bókar. Gætir þú sagt mér kæra Sigrún hvar get ég fengið eintak af þessari bók? 

[Lilja G. Bolladóttir, 29.5.2008 kl. 02:05]

Er þetta bókin sem var auglýst í þætti Opruh? Allavega kom þangað maður um daginn, með alls kyns góð ráð fyrir fólk, sem aldrei hendir neinu. Geymir allt mögulegt drasl af því að það innst inni trúir því, að það muni gagnast þeim seinna. Þar til draslið étur fólkið. .....kannast sko við svona áráttu. En anyway, þessi maður sagði, aldrei bera neitt inn á heimilið, nema að bera eitthvað annað út á móti. Aldrei geyma eitthvað, nema henda einhverju öðru í staðinn. Annars endar þú á ruslahaugi.

Held þetta sé satt og rétt..... gangi mér vel að lifa eftir því þó....