Þú ert það sem þú hugsar

Mannauðsmál á LSH.....

Í 24 stundum var fyrirsögnin: Heimta aukavinnu. Þar er átt við skurðhjúkrunarfræðinga á LSH og sagt frá því að þessi stétt hefði sagt upp í stórum stíl. 24 stundir talaði við yfirmann mannauðsmála og ég vona að blaðamaður hafi eitthvað misskilið, nema mannauðsmálin gangi út á það að fara með staðlausar staðreyndir um blessaðan mannauðinn. Og þar sem ég er skurðhjúkrunarfræðingur á LSH þá veit ég að þessi frétt er ekki rétt. Mér var sagt upp hluta af ráðingarsamningnum mínum og ég get ekki unað breytingum sem á að gera á vinnutíma mínum. Grundvallarbreytingar sem ganga út á það að ég vinni fasta vinnu um helgar og á rauðum dögum í stað þess að taka bakvaktir og vera heima á milli aðgerða. Þess utan á að bæta við starfssvið mitt, eins og ég hef sagt áður þá á ég að vinna meira fyrir minni pening. Það á líka að skerða þjónustuna á skurðstofunni að mínu mati og þetta sætti ég mig ekki við. Rúsínan í pylsuendanum er að fá útlenskan mannauð til starfa, sem verður kannski viðráðanlegri en ég.

Kannski er ég að misskilja orðið mannauður - það þýðir kannski að ná sem mestum auði út úr starfsfólkinu.

Flokkur: Bloggar | Miðvikudagur, 12. mars 2008 | Facebook

Athugasemdir

Blessuð. Ég sá þessa frétt á netinu í morgun og sá komment frá einhverjum Óskari um frekju hjúkrunarfræðinga.....ætla að reyna að finna það .

Hólmdís Hjartardóttir, 12.3.2008 kl. 21:06

Gott að fá svona undarlegar fréttir leiðréttar. Kær kveðja úr hinu húsinu

Ragnheiður , 12.3.2008 kl. 21:14

Farðu inn á blogg Emmu Vilhjálmsdóttur og lestu ; Verrst farið með þá sem vinna mest..........og kommentin

Hólmdís Hjartardóttir, 12.3.2008 kl. 21:15

Hólmdís, ég er búin að sjá þetta, ekki orð á þetta eyðandi.

Sigrún Óskars, 12.3.2008 kl. 21:29

Ég held að þannig skilji stjórnendur þessa blessaða sjúkrahúss sem við báðar vinnum fyrir, orðið mannauð. Nefninlega, að blóðmjólka sem flesta og helst ef þeir skilja ekki hvað er í gangi, þá gengur stjórnendunum vel. Ég veit þú veist hvað ég meina, enda hef ég farið mörgum orðum um LSH á mínu bloggi...

Ég er eitt baráttumerki fyrir ykkar hönd og læt aldrei vera að láta í mér heyra á mínum vinnustað (slysó), og þar eigið þið okkar stuðning 100%.

Ekki gefast upp!! Hér gildir ekki, if you cant beat them, join them. Farið þá bara og látið þetta auma lið sitja í súpunni sem þið skiljið eftir - ég held að þið hafið fullan stuðning og skilning meirihluta starfsfólks á LSH, a.m.k. þar sem ég kem, og ég kem mjög víða við á mínum aukavöktum!