Hvaða fugl er þetta?

 Þessi fugl var í garðinum mínum þegar ég vaknaði í morgun. Er með rendur og bakinu og uppá haus og ljósan botn. Hann er aðeins stærri en hrossagaukur.

Þegar starrarnir komu í morgunmat, þá setti þessi rassinn upp og hausinn niður - einhverskonar varnarstelling. Hann breiddi út stélið (varð eins og blævængur).

Svo setur hann bara hausinn aftur á bak og leggur sig.

Veit einhver hvort þetta sé hrossagaukur eða hvað. Svo finnst mér hann ætti að vera farin til heitu landanna.

Athugasemdir

[Valdimar (IP-tala skráð) 5.10.2008 kl. 11:30]

Víst er þetta hrossagaukur - kannski stór eftir þetta indæla sumar.

En þeir fara seint og sumir fara ekki. Nú eru ýmsir farfuglar seinir á ferðinni, ég gekk fram á lóuhóp í Eyjafirði um síðustu helgi og reynda allnokkra jaðrakana líka.

[Þórhildur Daðadóttir, 5.10.2008 kl. 13:58]

Já, ég held líka að þetta sé Hrossagaukur.  Án þess að ég hafi nokkurt vit á því. 

Varð bara aðeins að leggja orð í belg.

En það er gaman Sigrún mín að það skuli vera fuglalíf í kringum þig.  Eftir að rjúpurnar mínar fóru til fjalla þá er ekki mikið líf í kringum mig. 

En bráðum kemur betri tíð.

Knús á þig.

[Sigríður Sigurðardóttir, 5.10.2008 kl. 14:19]

  Jamm, Sigrún mín betra að hafa Hrossagauka í kringum sig, en sjö ára skvísur að berjast um dót, eða að kvelja köttinn.  Þessar tvær sem vísiteruðu djásnið í dag, báðar "ákveðnar" og stórar í skapinu....svo djásnið flúði fram þegar bardagar brutust út á milli þeirra ákveðnu.

[Hólmdís Hjartardóttir, 5.10.2008 kl. 17:21]

stór hrossagaukur

[Tiger, 6.10.2008 kl. 23:30]

 Ég er nú ekki góður í fuglafræðum - en mér sýnist þetta bara vera púta, sko hæna. Neinei .. bara hef ekki hugmynd en sannarlega sýnist þetta vera hrossagaukur. Knús á þig Sigrún mín og hafðu ljúfa viku framundan!

[Tína, 10.10.2008 kl. 04:40]

Halló sætust. Þetta myndi ég segja að væri hrossagaukur (ekki að ég sé að leggja neitt nýtt til málanna hérna). Ekki leiðinlegt að vera með svona í garðinum hjá sér og falleg er myndin.

Kram og knús á þig krútta