Þú ert það sem þú hugsar

Skundað á landsmót íslenskra kvennakóra á Höfn!

Gleðilegt sumar allir nær og fjær með þakklæti fyrir veturinn.

Í fyrramálið leggjum við í kvennakór Hafnarfjarðar af stað á landsmót íslenskra kvennakóra á Höfn í Hornafirði. Við ætlum að gefa okkur góðan tíma í keyrsluna, þurfum að stoppa í sjoppum til að kaupa nammi, pissa og svo videre. Hann Þormar bílstjóri sér um að koma okkur á leiðarenda, eins og hann hefur gert í mörg ár - er bara bestur.

Þetta landsmót er haldið á þriggja ára fresti og það vorum við í Hafnarfirði sem héldum síðasta landsmót 2003. Það er alltaf gaman á landsmótunum, konur koma saman með tvö markmið: að syngja saman og skemmta sér saman. Það verða um 400 konur saman komnar á Höfn um helgina - bærinn sem sagt fullur af flottum konum. En það er einn hængur á þessu landsmóti - ég þarf að standa frammi fyrir samkomunni og ávarpa konurnar, þar sem ég er formaður Gígjunnar, sem eru landssamtök íslenskra kvennakóra. Ég er með smá hnút í maganum en ég held samt að ég komist lifandi frá þessu (annars kemur dánartilkynning í Mbl eftir helgi).

Best að byrja að pakka og að telja mér trú um að ég sé bara góður ræðumaður.

Flokkur: Dægurmál | Fimmtudagur, 24. apríl 2008 | Facebook

Athugasemdir

Gleðilegt sumar. Þú rúllar þessu upp

Hólmdís Hjartardóttir, 24.4.2008 kl. 16:27

Gleðilegt sumar mín kæra. Og þú reddar þessu landsmóti að sjálfsögðu. Minn kór kemur ekki og þar með ekki ég. Frekar fúl yfir því. En maður fær víst ekki öllu ráðið. Góða skemmtun og farið vel með raddböndin...